Aġġornat il-Ħadd, 11 ta’ Mejju, 18:15

• Ammont ta’ droga eroina lesta biex tkun traffikata kienet sekwestrata f’rejd li t-taqsima ta’ kontra d-droga tal-pulizija għamlet f’residenza fil-Mosta. Sitt irġiel kienu arrestati b’rabta ma’ din is-sejba.
• Raġel ta’ 31 sena ta’ nazzjonalita Somala tressaq il-qorti b’urġenza dalgħodu b’rabta ma’ qabda kbira ta’ 10kg ta’ weraq tad-droga Khat. Huwa wieġeb mhux ħati ta’ l-akkużi miġjuba kontra tiegħu. Il-Maġistrat ma laqgħetx it-talba għal-libertà proviżorja u ordnat li jinżamm taħt arrest preventiv.
• Intemm għall-ħabta ta’ 12.25pm, il-Kunsill Ġenerali tal-PN li analizza r-riżultat elettorali ta’ l-aħħar elezzjoni ġenerali u ddiskuta d-direzzjoni tal-PN għas-snin li ġejjin. Il-Kunsill Ġenerali kkonferma wkoll lil Lawrence Gonzi u lil Tonio Borg bħala Kap u Viċi Kap tal-PN rispettivament.
• Lawrence Gonzi appella lill-Oppiżizzjoni biex flimkien mal-Gvern tipparteċipa fi proċess nazzjonali li jwassal għall-bidu ta’ kapitlu politiku ġdid fil-mod kif issir il-politika fil-pajjiż. Sostna li l-Gvern hu determinat li jwettaq il-programm politiku tiegħu f’din il-leġisatura.
• Is-Sudan waqqaf ir-relazzjonijiet diplomatiċi ma’ Ċad wara li akkuża lil dan il-pajjiż li għen ribelli minn Darfur iniedu attakk fuq il-belt kapitali Sudaniża, Khartoun.
• Libanu: Ġlied imdemmi nfirex barra minn Bejrut, lejn il-Lvant, fi żmien li l-armata tal-pajjiż qed tiġġielet kontra l-għar ġlied intern fil-pajjiż mill-gwerra ċivili li damet 15-il sena.
• Burma: Ammont ikbar ta’ għajnuna umanitarja qed tasal għand il-vittmi taċ-ċiklun wara li l-Gvern militari tal-pajjiż naqqas ir-restrizzjonijiet fuq l-ħidma umanitarja minn barra l-pajjiż.
• Nepal: Il-pulizija arrestaw madwar 560 mara Tibetjana fosthom bosta sorijiet Buddisti, wara li waqqfu dimostrazzjonijiet kontra l-azzjonijiet tal-Gvern Ċiniż fuq Tibet.

• TEMP: Pjuttost imsaħħab b'xi bil-possibiltà ta' ftit xita ħafifa għall-ewwel u b'waqtiet sbieħ wara nofsinhar. L-ogħla temperatura: 20°c. Indiċi UV: 9.